Kagamitang Panturo

Kahulugan, Kahalagahan at Simulain ng Kagamitang Panturo

Ang mga mag-aaral na gagamit:

            Ang pagtuturo-pagkatutong ito ay inihanda para sa mga nagmemedyor sa Filipino upang magkaroon ng kaalaman tungkol sa kagamitang panturo.

Lagom-Pananaw

            Ang modyul na ito ay nakapokus sa kahulugan, kahalagahan at simulain ng kagamitang panturo. Ito ay makakatulong sa mga nag-aaral ng pagiging isang guro sapagkat magbibigay ito ng idea tungkol sa mga kagamitang panturo.

I.                   Layunin:

                                    Pagkatapos mabasa at mapag-aralan ang modyul, ikaw ay dapat nang:

1.       nalaman ang kahulugan at kahalagahan ng kagamitang panturo;

2.      makasunod sa mga simulain ng kagamitang panturo at

3.      magamit ang kagamitang panturo sa isang talakayan.

II.                Pagtalakay sa Paksa

Panuto o Instruksiyon sa mga Mag-aaral:

            Basahing mabuti ang kahulugan, kahalagahan at simulain ng kagamitang panturo. Pagkatapos itong basahin, magkakaroon ng ilang gawain at tanong upang mas lalong mapagtibay ang kaalaman sa kagamitang panturo.

Mga Kakailanganing Kahandaang Asal:

            Bago pag-aralan ang modyul na ito, kinakailangang may kaalaman na ang mag-aaral tungkol sa kagamitang panturo. Kung ano-ano ito at paano ito makakatulong sa isang guro.

Paunang Pagsubok

            Basahing mabuti ang mga talata. Kung ito’y isang kagamitang panturo, lagyan ng tsek. At kung ito naman ay hindi, lagyan ng ekis.

1.      Pisara         _______

2.      Laptop        _______

3.      Basurahan  _______

4.      Libro         _______

5.      Papel         _______

Mga Sagot sa Paunang Pagsubok

1._______       2._______       3._______       4._______       5._______

Mga Gawain sa Pagkatuto:

            Ayon kay Abad (1996), ang kagamitang panturo ay anumang karanasan o bagay na ginagamit ng bilang pantulong sa paghahatid ng mga katotohanan, kasanayan, saloobin, palagay, kaaalaman, pag-unawa at pagpapahalaga sa mga mag-aaral upang lalong maging kongkreto, tunay, dinamiko at ganap ang pagkatuto. Ang sabi naman ni Alwright (1990), ang mga kagamitang panturo ay komokontrol sa pagtuturo at pagkatuto.

            Sa ibinigay pa lamang na kahulugan nina Abad at Alwright ay masasabi na kung ano ang ibig sabihin ng kagamitang panturo. Ito ay ang lahat na bagay na makikita sa silid-aralan na makakatulong sa pag-aaral ng mga mag-aaral at ito rin ay nagsisilbing gabay ng guro sa kaniyang pagtuturo. Sa lahat na bagay na makikita sa silid-aralan, ang guro ang maituturing na pinakamahalagang kagamitan sa pagtuturo dahil sabi nga  ni Ginong Pado “The best technology is the teacher.” Guro pa rin ang pinakamabisang kagamitang panturo. Ayon nga kay Abad (1996), isang katotohanan na walang makapapalit sa isang mabuting guro bilang isang kagamitang panturo ngunit katotohanan din na gumamit siya ng mga kagamitang panturo para sa mabisang talakayan at makatulong sa mga mag-aaral na lalong maintindihan ang tinatalakay.

            Ang unang  halaga ng kagamitang panturo ay nagiging makatotohanan sa mga mag-aaral ang talakayan. Sapagkat nakikita nila at nararanasan ang talakayan. Halimbawa: Ang talakayan ay tungkol sa pangngalan, ang ginawa ng guro ay nagpalaro siya sa pamamagitan ng pagkanta ng “Magbigay ng pangngalan, pangngalan, pangngalan, magbigay ng pangngalan na pambalana/pantangi” sa larong ito, bawat mag-aaral ay makakasagot at makakalahok sa talakayan. Hindi pa boring ang kalalabasan nito.

            Ang pangalawang halaga ng kagamitang panturo ay walang naaksayang panahon at oras sa mag-aaral at guro sapagkat may direksiyon ang pagtuturo at pagkatuto. Kapag gagamit ng kagamitang panturo gaya ng Manila paper ay hindi na magaaksaya ng panahon ang guro na sumulat nang sumulat sa pisara. Mas mapapadali ang talakayan.

            Ang pangatlo ay nababawasan ang pagiging dominante ng guro sa pagsasalita o pagtatalakay ng aralin sa loob ng klasrum sapagkat may kagamitang panturo na maggagabay sa guro sa talakayan at magbibigay rin sa guro ng pahinga sa pagsasalita dahil karamihan sa mag-aaral ay visual learners. Mas mainam na may maipapakita ang guro na mas  mauunawaan ng mag-aaral ang talakayan.

            Ang pang-apat na halaga ng kagamitang panturo ay tumutulong sa pagsasakatuparan ng mga layunin sa pagtuturo. Sabi na nga sa talakay sa iba pang kahalagahan, ang kagamitang panturo ay gabay ng guro sa talakayan.

            At ang panghuling halaga ng kagamitang panturo ay gumising sa kawilihan ng mag-aaral at humihikayat ng inter-aksiyon. Ngayong panahon, ang karamihan sa mag-aaral ay visual at kinesthetic learners. Natututo sila kapag may nakikita o nagagawa nila ang isang bagay.

Mga Batayang Simulain sa Kagamitang Panturo mula sa powerpoint presentation nina Maria Mae Tolosa at Angelie Mae Roldan Basia.

·         Prinsipyo at Teorya

o   Sa paghahanda ng kagamitang panturo, kinakailangan na isaalang-alang at maunawaan nang mabuti ang mga prinsipyo at teorya sa paggamit at pagdisenyo ng kagamitang panturo. Ang Teorya ay tumutukoy sa kung gaano kaganda ang pagkakapaliwanag sa isang bagay na pinaghandaan. Ayon kay Reigeluth (1983), ang teorya ay isang set ng modelo at ang prinsipyo at teoryang ito ay matutukoy lamang sa pamamagitan descriptive at perspective na anyo. Ayon naman kay Seels (1997), ang teorya ay paliwanag ng penomina at pangyayari na makakatulong sa mag-aaral na lubusang maunawaan ang talakayan.

·         Batayang Konsepto sa Disenyo

o   Ang kagamitang panturo ay kinakailangang angkop sa panahon ay nakaugnay at nakaayon sa kurikulum upang makatulong na maisakatuparan ang layunin sa pagkatuto. Ang kagamitan ay awtentiko at kongkreto sa teksto at gawain.

·         Pamantayan sa Kagamitang Panturo

o   Kinakailangang maanalisa muna ang paggamit ng kagamitang panturo upang nakabatay ito sa target na panggagamitan.

o   Bumuo ng isang kurikulum grid na kung saan nakakatulong ito sa pagbuo ng materyales at malaman din ang kontent at literasi lebel ng mag-aaral.

o   Ang pagpili ng tema ay isang mahirap na gawain sapagkat kinakailangang mag-isip nang mabuti kung anong kagamitang panturo ang gagawin.

·         Ilustrasyon

o   Ito ay tumutukoy sa mag-aaral na makakabuo ng larawan o konsepto upang higit na maunawaan ang talakayan.

·         Editing

o   Isa rin sa mga mahirap isagawa sapagkat matrabaho ang editing na kung saan kinakailangang wasto at magkakaugnay ang napiling kagamitang panturo sa aralin.

·         Pamagat

o   Ito ay kinakailangang kaakit-akit upang mahikayat ang mga mag-aaral na malaman ang gagawin.

III.             Pagtataya

Mga Tanong na sasagutin:

            Panuto: Isulat sa nakalaang patlang ang T  kung tama ang pahayag at M naman kung mali.

1.      Isa sa mga kahalagahan ng kagamitang panturo

 ay tumutulong ito sa pagsasakatuparan ng

layunin sa pagtuturo.                                                                     _____             

2.      Ang kagamitang panturo ang

       pinakamabisang paraan sa pagtuturo.                                          _____

3.      Ang kagamitang panturo ay ang lahat

na bagay na makakaapekto  sa pag-aaral

ng estudyante.                                                                               _____

4.      Ang kagamitang panturo ay maaaring

 hindi napapanahon sapagkat mauunawaan

 naman ito ng mga mag-aaral.                                                       _____

5.      Ang paggamit ng kagamitang panturo ay

kailangang pag-isipang mabuti upang

maging maganda ang kalalabasan nang talakayan.                       _____

6.      Mas mabisa pa rin ang magsalita nang magsalita

ang guro kaysa magpakita ng mga visual aids.                             _____

7.      Kung ano ang nais gawin na kagamitang panturo

ng guro ay iyon na lamang ang gagawin.                                      _____

8.      Ang ginamit na kagamitang panturo ay hindi

nakabase sa paksa.                                                                        _____

9.      Isa sa mahirap isagawa sa pagsasaalang-alang ng

paggawa ng kagamitang panturo ay  ang pag-isip

ng tema sa gagawing kagamitang panturo.                                   _____

10.  Sa pag-eedit ng kagamitang panturo ay kinakailangan

na kaakit-akit ito upang mahikayat ang mga mag-aaral.               _____

Kasagutan:

1.      T                                                    6.  M

2.      M                                                   7.  M

3.      T                                                    8.  M

4.      T                                                    9.  T

5.      T                                                    10. M

Pinagkuhanang Site:

https://prezi.com/x_s5psayptt5/mga-batayang-simulain-sa-paghahanda-at-ebalwasyon-ng-mga-kag/

Maritta Alagada-Abad at Prinseilla Castaneto-Ruedas.